RFO-nun yarımfinal turu-Ekspert açıqlaması

Bölmə: Sosial › ,
Tarix: 19:25 15.01.2025

RFO-nun yarımfinal turu informatika fənni üzrə 15-16 fevral, digər fənlər üzrə isə 23 fevral tarixində təşkil olunacaq. Həmçinin qeyd olunub ki, buraxılış vərəqləri ilə bağlı məlumatlar yaxın günlərdə paylaşılacaq.

 

 Məsələ ilə bağlı təhsil eksperti Vüzət Əzizov " informator.az"a açıqlamasında bildirib ki, RFO-nun yarımfinal turuna buraxılış vərəqələri "portal.edu.az" saytında yerləşdirilir:

 

"Hər bir namizəd yaratmış olduğu şəxsi kabinetinə daxil olaraq buna baxa bilər, orda buraxılış vərəqələri yerləşdirilir. Elm və Təhsil Nazirliyi də paylaşır və ictimaiyyətə elan edilir ki, ordan girib baxa bilərlər. Və ya özləri tez-tez yoxlayaraq görə biləcəklər".

 

 Həmçinin ekspert RFO-nun keçirilməsinin məqsədindən, təhsilimizə olan nəticələri və bu nəticələrin keyfiyyətindən də məlumat verib:

 

"RFO-nun keçirilməsində əsas məqsədlərdən biri savadlı, bacarıqlı gənclərin seçilməsidir .RFO -da qalib olan həmin şəxslər qalib olduğları fənn üzrə Ali təhsil müəssisələrinə imtahansız, müsabiqədən kənar qəbul olmaq şansı əldə edirlər. Məsələn, Kimya üzrə qalib olan şəxs kimya mühəndisliyi üzrə, Azərbaycan dili fənni üzrə qalib olan şəxs filologiyaya yaxud Azərbaycan dili və ədəbiyyat müəllimliyi ixtisasına imtahansız qəbul olmaq şansına malikdir. Və hər ildə kifayət qədər şəxslər bu şansdan istifadə edirlər, eyni zamanda RFO qaliblərini Elm və Təhsil Nazirliyi mükafatlandırır. Həmçinin RFO qaliblərinin Beynəlxalq olimpiadalara da göndərilməsi prosesi olur. O proses nəticəsində, Avropa ölkələrinə, dünyanın bir neçə ölkələri var ki, həmin ölkələrdə keçirilən yarışlarda həmin bu şəxslər yüksək nəticələrlə qalib olaraq ölkəmizi təmsil edirlər".

 

Nigar Həsənzadə