Ryan Babeldən “Beşiktaş” “Liverpul” bənzətməsi

Bölmə: İdman › ,
Tarix: 21:01 23.01.2025

“Beşiktaş” və “Galatasaray”ın keçmiş futbolçusu Ryan Babel susqunluğunu pozdu.

 

 

“Beşiktaş”dan ayrılma prosesinə toxunan Ryan Babel bunları dedi:

 

“ “Beşiktaş”da qalmaq istəyirdim, amma pərdə arxasında olan şəxslər işlərini düzgün görmürdülər. Bir futbolçu olaraq hörmət görmək istəyirsiniz. Azarkeşlərin olanlardan xəbəri yox idi".

 

“Galatasaray”a transferindən danışan Ryan Babel bildirdi:

 

“Fulham mənə şans verdi və orada 5 qol vurdum. Sonra məni “Galatasaray” istədi. Bu, məntiqli göründü, çünki Çempionlar Liqasında oynayacaqdılar".

 

“Beşiktaş” və “Galatasaray”azarkeşləri arasında müqayisə aparan Ryan Babel dedi:

 

“Türkiyənin ən böyük klubu “Galatasaray”dır. İki klub arasındakı ən böyük fərq budur: “Galatasaray”azarkeşləri bir az daha ərköyündür. Onlar çempionluq qazanmağa daha çox öyrəşiblər. “Beşiktaş”da isə sizi daha çox qiymətləndirirlər. Pis bir oyun keçirsəniz belə, hər şeyinizi verdiyinizi görürlər və sizi qiymətləndirirlər. “Galatasaray”azarkeşləri isə bir az daha ərköyündür. Bu, “Ajax”da da belə idi, oyunu qazansanız belə, yaxşı oynamasaz, bütün stadion sizi fitə basar. “Beşiktaş” daha çox “Liverpul”a bənzəyir. “Liverpul”da da hər şeyinizi ortaya qoysanız, məğlub olsanız belə, oyunun sonunda alqışlanarsınız".

 

Ryan Babel “Beşiktaş”da oynadığı dövrdə Super Liqa çempionluğu yaşayıb. Hollandiya futbolçusu “Galatasaray”da çıxış etdiyi dövrdə isə TFF Super Kubokunu qazanıb.

Mənbə:Milliyət
Fatimə Abdulrəhimli