Konqo Demokratik Respublikasında 100-dən çox qadın zorlanıb və diri-diri yandırılıb

Bölmə: Hadisə › ,
Tarix: 21:14 05.02.2025

BMT-nin məlumatına görə, Konqonun Qoma şəhərində həbsxanadan qaçan 100-dən çox qadın məhbus zorlanıb və sonra diri-diri yandırılıb.

 

Ötən bazar ertəsi M23 üsyançı qruplaşmasının döyüşçüləri şəhəri ələ keçirməyə başlayandan sonra yüzlərlə məhbus Munzenze həbsxanasından çıxıb.

Hesabatda qadınların əksəriyyətinin məhbusların həbsxananı yandırmasından sonra öldürüldüyü bildirilir.

Bir milyondan çox əhalisi olan böyük bir şəhər olan Qoma, Ruanda tərəfindən dəstəklənən M23-ün Konqonun şərqində sürətli irəliləyişindən sonra ələ keçirildi.

Şəhər xaosa qərq olub, cəsədlər küçələrdə uzanıb və raketlərin yaşayış evlərinin üzərindən uçduğu bildirilir.

Konqo Demokratik Respublikası hökumətinin bildirdiyinə görə, M23-ün Konqo qüvvələri və onların müttəfiqləri ilə toqquşması nəticəsində 2000-dən çox adam həlak olub.

BMT ən azı 900 nəfərin öldüyünü və 3000-ə yaxın insanın yaralandığını bildirir. BMT və Konqo Demokratik Respublikasında ölənlərin sayının niyə fərqli olduğu bəlli deyildi.

Bu həftənin əvvəlində üsyançılar humanitar əsaslarla atəşkəs elan ediblər.

 

Mənbə: BBC News

Nərmin Həşimova