Dünyanın ikinci ən böyük qızıl anbarında uzun növbələr yaranıb

Bölmə: Dünya › ,
Tarix: 19:38 07.02.2025

ABŞ Prezidenti Donald Trampın gömrük tarifləri ilə bağlı təhdidləri Böyük Britaniyada saxlanılan qızıla olan tələbatı artırıb. Nəticədə, İngiltərə Bankında qızıl çubuqların çıxarılması üçün bütün mövcud vaxt slotları artıq bron edilib.

 

İngiltərə Bankının bazarlar və bankçılıq üzrə sədr müavini Deyv Ramsdenin sözlərinə görə, ABŞ-də qızılın qiyməti Londondakından yüksək olduğuna görə qızıl sahibləri bu qiymət fərqindən faydalanmağa çalışırlar. Trampın tarif planları idxal olunan qızılı bahalaşdıra biləcəyi üçün treyderlər təchizatın azalacağından narahatdırlar. İngiltərə Bankı dünyada qızıl ehtiyatına görə yalnız Nyu-York Federal Ehtiyat Sistemindən geri qalır və 400,000-dən çox qızıl çubuğu saxlayır. Son zamanlar ABŞ-ın COMEX birjasında qızıl ehtiyatları artdığı halda, İngiltərə Bankında qızıl ehtiyatı ötən ilin sonundan 2% azalıb.

 

UBS və Commerzbank analitiklərinin fikrincə, Rusiya-Ukrayna müharibəsi və Yaxın Şərqdəki gərginliklər də qızıla olan tələbatı artırır. Ramsden qızılın fiziki və təhlükəsizlik baxımından xüsusi logistika problemləri yaratdığını da vurğulayıb.

CNN News
Aydan Quliyeva