Apple-ın 19 fevral təqdimatını səbirsizliklə gözləyirdilər... Şayiələr iPhone SE və AirTag 2-yə işarə edir
Bölmə: Dünya ›
,
Tarix: 22:18 18.02.2025
Apple CEO-su Tim Cook fevralın 19-da Apple ailəsinin yeni üzvünü təqdim edəcəklərini açıqlayıb. Bəs bu sirli məhsul nə ola bilər? Burada mümkün məhsullar haqqında bütün detallar və məlumatlar var...
Apple yenə də texnologiya dünyasında həyəcan yaratmağı bacarıb.Şirkətin baş direktoru Tim Cook keçən cümə axşamı tvitində 19 fevralda Apple ailəsinin yeni üzvünü təqdim edəcəklərini açıqlayıb.Cook-un “Ailənizin ən yeni üzvü ilə görüşməyə hazırlaşın” mesajı sosial mediada böyük əks-səda doğurub. Lakin bu sirli məhsulun nə olduğu barədə hələ də dəqiq məlumat yoxdur. Xoşbəxtlikdən, gözləmə uzun sürməyəcək. Cook-un tvitində görünən #AppleLaunch həştəqi ilə paylaşılan animasiyalı Apple loqosu texnologiya həvəskarlarını daha da maraqlandırıb.
*YENİ IPHONE SE VƏ AIRTAG 2 ŞAYİƏLƏRİ*
Yeni iPhone SE və yeni nəsil AirTag haqqında şayiələr bir müddətdir ki, texnologiya dairələrində dolaşır. Cook-un tvitində görünən animasiyalı Apple loqosunun AirTag siluetini xatırlatdığı deyilir. İddialara görə, AirTag 2 daha uzun diapazona sahib olacaq və onun dizaynı daha çətin çıxarılacaq şəkildə olacaq. Bundan əlavə, Apple Vision Pro inteqrasiyası da gözlənilir.
Bloomberg-in tanınmış texnologiya analitiki Mark Gurman ötən çərşənbə axşamı verdiyi açıqlamada yeni iPhone SE-nin çox yaxında təqdim ediləcəyini və gələn həftə keçiriləcək məhsul haqqında məlumat yığıncağında elan ediləcəyini bildirib. Gurman, həmçinin, Apple Vision Pro-nun yaxın gələcəkdə elan oluna biləcəyini və M4 prosessorlu MacBook Air-in "həftələr ərzində" buraxılacağını söyləyib.
*APPLE-DƏN YÜKSƏK GÖZLƏNTİLƏRİ VAR*
Görünən odur ki, Apple hazırda bir çox fərqli məhsul üzərində işləyir və gələn həftə təqdim edəcəkləri ilə bağlı müxtəlif seçimlərə malikdir. Bu vəziyyət texnologiya dünyasında böyük həyəcan yaratsa da, Apple həvəskarları nəfəsini tutaraq 19 fevralı gözləyirlər.
Çinarə Tarverdiyeva
HaberTürk
