İranın “Canavar Raket”i hələ istifadəyə verilməyib

Bölmə: Siyasət › ,
Tarix: 22:50 16.06.2025

 

İran 4 gündür davam edən qarşıdurmada İsraili hipersəs və ballistik raketlərlə vurur və böyük ziyan vurur. Buna cavab olaraq Tehran administrasiyası “Hələ bütün silahlarımızı istifadə etməmişik” ifadəsi ilə çıxış edib. Onlardan biri də İranın “Canavar Raketi” kimi tanınan qabaqcıl ballistik raketi Xürrəmşəhrdir.

 

Nəhəng ballistik raketin uçuş məsafəsi 2 min kilometrdir.

 

İranın ən mühüm silahlarından biri hələ buraxılmamış Xürrəmşəhr qabaqcıl ballistik raketidir. 13 metr uzunluğundakı Xürrəmşəhr 2000 kilometr uçuş məsafəsinə malikdir. Bu o deməkdir ki, raket materik İrandan Rumıniyaya qədər uçuş məsafəsinə malikdir.

 

Jane's Defence Weekly nəşrinin məlumatına görə, Xürrəmşəhr Şimali Koreya ilə ortaq şəkildə hazırlanıb. Şimali Koreyanın Hvasonq-10 raketi ilə oxşar xüsusiyyətləri paylaşan Xürrəmşəhr koreyalı həmkarından daha qısa məsafəyə malikdir. İranlı ekspertlər bunun səbəbinin Xürrəmşəhrin təkmil döyüş başlığı daşıma qabiliyyəti olduğunu qeyd ediblər. Hipersəs raketi 1800 kiloqram ağırlığında döyüş başlığı daşıya bilir.

 

Maye yanacaq texnologiyasından istifadə edən Xürrəmşəhr təxminən 1500-1800 kiloqram ağır döyüş başlığı daşımaq qabiliyyəti ilə seçilir. 1700 kilometr mənzilli “İmad” raketi də “Xürrəmşəhr” kimi maye yanacaq texnologiyasından istifadə edir, lakin o, yalnız 750 kiloqrama qədər döyüş başlığı daşıya bilir.

 

2023-cü ildə təqdim edilən Xürrəmşəhrin 4-cü nəsil versiyası tək böyük şərti döyüş başlığı və ya bir neçə döyüş başlığı daşıya bilir. Xeybər kimi də tanınan 4-cü nəsil Xürrəmşəhr raketi daha ağır zərər vurma potensialı ilə İranın digər qısa mənzilli və ya taktiki raketlərindən fərqlənir.

 

İran hələ Xürrəmşəhrdən İsrailə qarşı istifadə etməyib. İran rəsmiləri İsrailin 13 iyunda başlayan hücumlarının davam edəcəyi təqdirdə daha sərt cavab verəcəkləri barədə xəbərdarlıq edib. Mütəxəssislərin fikrincə, Xürrəmşəhr yüksək sürətli texnologiyası və ağır döyüş başlığı ilə İranın İsrailə böyük ziyan vura biləcək ən mühüm silahlarından biridir.

Mənbə: CNN Türk
Türkan Kərimli