Zöhran Mamdanidən Nyu-Yorkda siyasi sürpriz

Bölmə: Dünya › ,
Tarix: 15:50 26.06.2025

Zöhran Mamdani Nyu-Yorkun Demokratik bələdiyyə sədrliyinə ilkin seçkidə gözlənilməz uğur qazanıb. Özünü demokratik sosialist kimi tanıdan Mamdaninin qalibiyyəti mütərəqqi fəallar arasında sevinc, Respublikaçılar arasında isə narahatlıq yaradıb.

 

Tramp onu "kommunist" adlandırıb, Respublikaçılar isə gələcək seçkilərdə onu hədəfə çevirmək niyyətində olduqlarını bildiriblər. Mamdani Nyu-Yorkun ilk müsəlman və hind əsilli meri ola bilər. Onun gənclərə xitab edən dili və sosial ədalətə yönəlmiş kampaniyası ona geniş dəstək qazandırıb. Demokrat strateqlər Mamdaninin yüksəlişinin partiyanın gələcək lider nəsli üçün nümunə ola biləcəyini düşünür.

Keçmiş mer Erik Adams və keçmiş qubernator Endryu Cuomo müstəqil namizəd kimi yarışı davam etdirə bilər. Mamdaninin uğuru senator Bernie Sanders və Alexandria Ocasio-Cortezin yüksəlişini xatırladır. O, tərəfdarlarına şəhəri "xalq üçün işləyən partiya modeli" kimi idarə edəcəyinə və Trampın siyasətinə qarşı duracağına söz verib.

 

Reuters
Qəmər Kazımzadə