Ümumdünya Universitet Oyunlarında iştirak edəcək Azərbaycan cüdoçuları bilinib

Bölmə: Dünya › ,
Tarix: 15:36 09.07.2025

23–26 iyul tarixlərində Almaniyanın Reyn-Rur bölgəsinin Essen şəhərində Ümumdünya Universitet Oyunları çərçivəsində cüdo yarışları keçiriləcək.

"İnformator.az" "Teleqraf"a istinadən xəbər verir ki, Universiadada Azərbaycanı 13 çəki dərəcəsində 13 cüdoçu (7 kişi, 6 qadın) təmsil edəcək.

 

Yığma turnirin son günündə qarışıq komanda yarışında mübarizə aparacaq.

 

Azərbaycan cüdoçularına kişilərdən ibarət yığmanın böyük məşqçisi Elçin İsmayılov və qadınlardan ibarət yığmanın böyük məşqçisi Saşa Herkenrat-Vimar rəhbərlik edəcək.

 

Qeyd edək ki, Universiadanın cüdo yarışlarında 60 ölkədən 392 idmançı (214 kişi, 178 qadın) qüvvəsini sınayacaq. 

 

Qadınlar

48 kq

Könül Əliyeva

52 kq

Aydan Vəliyeva

57 kq

Fidan Əlizadə

70 kq

Aytac Qardaşxanlı

78 kq

Nərmin Əmirli

+78 kq

Nigar Süleymanova

Kişilər

60 kq

Babarəhim Mirzəyev

66 kq

Nazir Talıbov

73 kq

Nəriman Mirzəyev

81 kq

Mehdi Abbasov

90 kq

Elcan Hacıyev

100 kq

Davud Namazlı

+100 kq

Ramazan Əhmədov