Məktəbəhazırlıq qruplarına qeydiyyat başlayıb

Bölmə: Sosial › ,
Tarix: 20:33 09.07.2025

2025–2026-cı tədris ili üçün məktəbəhazırlıq qruplarına qeydiyyat prosesi bu gündən etibarən başlayır. Məktəbəqədər və Ümumi Təhsil üzrə Dövlət Agentliyinin məlumatına görə, valideynlər 8 iyul saat 13:00-dan etibarən ölkənin Bakı şəhəri istisna olmaqla, digər bölgələrində məktəb seçimi edə bilərlər. Bakı üzrə seçim 9 iyulda, digər dillərdə tədris edilən bölmələr üzrə isə 10 iyulda başlayacaq. Qeydiyyat prosesi mektebeqebul.edu.az portalı vasitəsilə aparılacaq və 12 sentyabr tarixinədək davam edəcək.

 

Mövzu ilə bağlı təhsil eksperti Qoşqar Məhərrəmov "İnformator.az " a açıqlamasında bildirib ki , bu proses valideynlər üçün çox böyük önəm kəsb edir:

 

"8 iyul tarixindən etibarən Məktəbəqədər və Ümumi Təhsil üzrə Dövlət Agentliyi qeyd edir ki , Bakı xaric digər bütün rayonlardan şagirdlər artıq məktəbəhazırlıq qruplarına qeydiyyatdan keçə bilərlər.5 yaşı tamam olan şagirdlər bu hazırlıq qruplarına qeydiyyat üçün müraciət edə bilərlər.Bakı üçün bu tarix 9 iyul tarixindən , Rus bölməsi üçün isə 10 iyul tarixindən başlayacaq.Yəni , şagirdlərin burada yaşı 5 nəzərdə tutulur , çünki hazırlıq qrupları 0-cı sinif sayılır və 5 yaşlı uşaqlar üçün nəzərdə tutulub".

 

Ekspert bu prosesin valideynlər üçün olan əhəmiyyətindən də söz açıb:

 

"Hamı istəyir ki , övladı yaxşı bir müəllimə ilə işləsin.Çünki şagirdin ilk məktəbə qədəm basdığı il hazırlıq ilidir.Ona görə də , bu il uşağın təhsili sevib və ya sevmədiyinin məlum olunduğu bir ildir. Öyrənməni , qələm tutmağı , saymağı və s. hamısını uşaqlar məktəbəqədər hazırlıqlarda öyrənirlər və təkmilləşirlər.Ona görə də , düşünürəm ki , bu seçim valideynlər üçün çox əhəmiyyətlidir.Arzu olunardı ki , bütün müəllimlərimiz eyni olsun , amma elə deyil.Çünki bir çox müəllimlər valideynlər tərəfindən seçilirlər.Onlar xeyli araşdırır,öyrənir, soruşur və bunun nəticəsində hansı müəllim ilə , valideyn ilə əməkdaşlıq edəcəyinə qərar verirlər".

 

Nəzrin Məmmədova