“Tesla” şirkəti “Samsung”la ortaq layihəyə başlayıb

Bölmə: Araşdırma › ,
Tarix: 19:15 05.01.2024

“Tesla” ilk smart ev layihəsi ortaqlığına “Samsung SmartThings” ilə başladığını bildirib. “Tesla” və “Samsung” şirkətlərinin yanvarın 5-də mətbuata verdiyi məlumata görə, “Ağıllı” evlərin enerji və istilik tənzimlənməsi layihəsində birlikdə çalışacaqlarını bildiriblər.

 

“Samsung”un “SmartThings” platforması istehlakçıları, “Powerwall” ev batereyasına bənzər bir texnologiya ilə “Tesla” cihazlarına bağlanaraq enerji istehsalı və istifadəsi kimi prosseslərdən istifadə edə biləcəklər. Powerwall-a qoşulduqda “SmartThings Energy” “Fırtına İzləməsi” funksiyası ilə sinxronizasiya oluna bilər; məsələn, “Samsung” telefonunda və ya televizorunda ağır hava şəraiti haqqında xəbərdar olmaq mümkündür.

 

“Powerwall”a əlavə olaraq, “SmartThings Energy” “Tesla”nın digər məhsullarına, o cümlədən elektrik avtomobillərinə, günəş enerjisi çeviricisinə və Wall Connector enerji doldurma bloklarına qoşula biləcək. Powerwall bağlantısı gələn həftə CES-də (Consumer Electronics Show) Samsung stendində nümayiş etdiriləcək.

 

Əli Məmmədli