2024-cü ildə “Nintendo” gözlənilən oyun konsolunu təqdim edə bilər

Bölmə: Araşdırma › ,
Tarix: 17:48 08.01.2024

Analitiklər, oyun həvəskarlarının “Nintendo” şirkətinə məxsus Mario’dan Zelda’ya olan maraqlarını nəzərə alaraq, şirkətin bu il “Switch 2” konsolunu tanıdacağını bildiriblər. “Nintendo Switch” ilk dəfə 2017-ci ilin martında satışa çıxarılıb və şirkət, oyunçuların televizorlarında oynaya biləcəyi, əl konsolunu rahatlıqla daşıya biləcəyi, yolda oynaya biləcəyi yeni hibrid konsolunu oyunçularla qovuşdurub. 

 

Bu cihaz, konsol oyunlarının ev şəraitində verdiyi əlçatanlıq ilə mobil oyunların gətirdiyi daşınabilərlik funksiyasının kəsişməsində olduğuna görə oyunsevərlər tərəfindən böyük tələbatla qarşılanıb. ”Nintendo” 7 il ərzində 132,46 ədəd Switch satıb və bu, Nintendo DS-dən sonra şirkətin ikinci ən uğurlu konsolu olmasına səbəb olub. “Switch”in işə ilk çıxışından bəri “Nintendo”nun səhmləri 200%-dən çox artıb. Konsol “birinci partiya” oyunları və populyar personajların davamlı və güclü çıxışı sayəsində şirkətə illər ərzində satış sürətini saxlamağa yardımçı olub. Mario, Zelda və Pokemonun iştirak etdiyi oyunlar Switch-in ən çox satılanları arasındadır. Ancaq satışların yavaşlamağa başladığına dair əlamətlər var və Nintendo yeni bir “təkana” ehtiyac duyur. Sentyabr-rüb nəticələrinə istinadən Nintendo bildirib ki, gəlir illik müqayisədə 4%, mənfəət isə 19% azalıb. 

 

Tokioda yerləşən “Kantan Games” oyun konsaltinq şirkətinin baş direktoru Serkan Toto mətbuata açıqlamasında bildirib:

 

“Məncə, yeni cihaz 2024-cü ildə, yəqin ki, ilin ikinci yarısında çıxacaq.Orijinal Switch indi demək olar ki, 7 yaşındadır, satışlar azalır ... Beləliklə, bu il yeni Nintendo sisteminin tam vaxtıdır".

 

Əli Məmmədli