İspaniya kəşfiyyat xidmətləri sosial şəbəkələrdə Seutaya kütləvi miqrant keçidi ilə bağlı çağırışlar barədə xəbərdarlıq edib. Yeni yayımlanan hökumət sənədləri göstərir ki, bu xəbərdarlıq on minlərlə insanın əraziyə daxil olmasından bir gün əvvəl edilib.
 

Bu məlumatlar İspaniya hökumətinin məxfi sənədləri ictimaiyyətə açıqlaması nəticəsində ortaya çıxıb. Hökumət miqrant axınının tam mənzərəsini təqdim etməməkdə ittiham olunur.29 iyulda İspaniyanın Milli Kəşfiyyat Xidməti (CNI) Mərakeş və Seuta rəsmilərinə bildirib ki, sosial şəbəkələrdəki qruplar miqrantları ertəsi gün sərhədi keçməyə təşviq edirlər.

Baş nazir Pedro Sançes 30 iyulda baş verən hadisələri əvvəlcədən proqnozlaşdırmağın mümkün olmadığını israrla bildirib. Lakin müxalifət partiyaları sənədlərin hökumətin ispanları yanlış məlumatlandırdığını göstərdiyini deyirlər.Sançes daha əvvəl parlamentdə bildirmişdi ki, iyulun son iki günündə ölkənin üzləşəcəyi “böhranın miqyasını göstərən heç bir məlumat” olmayıb.

Ən azı 72 min miqrant iyulun 30-u və 31-də Mərakeşdən Seutaya keçib. Seuta merinin açıqladığı rəqəmlərə görə, onların əksəriyyəti sərhəd hasarının ətrafından üzərək keçib və keçid zamanı ən azı 100 nəfər həyatını itirib.