Kiçik bizneslərin inkişafı və qarşılaşdığı problemlər

Bölmə: İqtisadiyyat › ,
Tarix: 20:53 02.04.2025

 

Dünyada və ölkəmizdə kiçik bizneslər iqtisadiyyatın vacib bir hissəsini təşkil edir. Yeni başlayan sahibkarlar uğurlu olmaq üçün müxtəlif çağırışlarla üzləşirlər: maliyyə çətinlikləri, bazara daxil olma problemləri, rəqabət və s.

 

Mövzu ilə bağlı ekspert Xalid Kərimli "informator.az"a bildirib ki , kiçik və orta bizneslər ölkədə məşğulluğu təmin etməklə gəlirlərin bölgüsündə biraz da olsa ədalətli vəziyyət yaradır.O, eyni zamanda, belə bizneslərin mənfi cəhətlərindən də söz açıb:

 

"Kiçik və orta bizneslər niyə vacibdir?Çünki belə bizneslər ölkədə məşğulluğu təmin edir və eyni zamanda,rəqabəti inkişaf elətdirir.Məşğulluğu təmin etməklə gəlirlərin bölgüsündə biraz ədalətli vəziyyət yaratmış olur.Rəqabəti də intensivləşdirməklə alıcıların daha keyfiyyətli və uyğun qiymətlərlə məhsul alışına şəraət yaratmış olur.Bu iki məsələ həm iqtisadiyyatda məşğulluğun genişlənməsi, həm də rəqabətin genişləndirilməsi baxımından kiçik və orta biznesin dəstəklənməsində yaxşı hesab olunur.Adətən, bizneslər özünün formalaşmasının ilkin mərhələsində mikro , orta, daha sonra böyüyür olur lap böyük.Xüsusən,böyük biznesin təsiri altında qalmaması , formalaşıb böyüməsi üçün, eyni zamanda ,məşğulluğun genişləndirilməsinə və cəmiyyətdə sosial problemlərin həllində rol oynadığına görə,bu diqqət və qayğı içərisində olur".

 

Ekspert belə bizneslərin problemlərindən də danışıb:

 

"Problemlərin ən başlıcası kadr problemidir.Çünki kiçik biznesin maliyyə imkanları da kiçik olur və bu da işçilərin cəlb olunmasında problemlər yaradır,daha keyfiyyətli kadrların cəlb olunmasına imkan vermir.Daha bir problem isə,maliyyə resurslarına çıxışda problem yaranmasıdır.Girov verməyə bir şeyləri olmur,bununla da resursların çıxışları məhdudlaşır.Eyni zamanda , riskləri çox olduğuna görə ucuz maliyyə çıxışları olmur.Bundan başqa , böyük oyunçulardan fərqli olaraq geniş reklam, həvəsləndirmə tədbirlərini həyata keçirə bilmir.

 

Ümumiyyətlə , yalnız kiçik və orta bizneslərin yox , böyük bizneslərin də qarşılaşdığı əsas problemlərdən biri onların öz hüquqlarını lazımınca müdafiə eləyə bilməməsidir.Bəzən elə olur ki, inzibati müdaxilələrə də rast gəlinir".

 

Nəzrin Məmmədova