Mərkəzi Bankın valyuta ehtiyatları yenidən 11 mlrd dolları ötüb
Bölmə: İqtisadiyyat ›
,
Tarix: 13:09 03.04.2025
Mərkəzi Bankın valyuta ehtiyatları yenidən 11 milyard dollar həddini keçib. Son dövrlərdə ehtiyatlarda müşahidə edilən artım ölkənin maliyyə sabitliyinin güclənməsinə töhfə verir. Bundan əlavə, qlobal iqtisadi mühitin sabitləşməsi də prosesə müsbət təsir göstərib.
Mövzu ilə bağlı iqtisadçı Xalid Kərimli "informator az"a bildirib ki, valyutanı satan əsas strukturlar dövlət strukturlarıdır. Ölkəyə valyutanı gətirən neft şirkətləridir:
"Mərkəzi bankın valyuta ehtiyatlarının artması hələ çox şey ifadə etmir. Çünki əsas satıcı neft fondudur. Amma ümumi şəkildə mərkəzi bankın valyuta ehtiyatlarının artması valyuta bazarındakı vəziyyətə işarədir. Mərkəzi bankın valyuta ehtiyatının artmasının nə məzənnəyə, nə də inflyasiyaya təsiri yoxdur. Çünki inflyasiyanın çox və ya az olmasında əsas məqam tarif şurasının qərarlarıdır. Valyuta ilə əlaqəli məsələlər inflyasiyanı aşağı salır. Çünki manatın real məzənnəsi digər valyutalarla müqayisədə həm 2023, həm də 2024cü ildə artıb. Ümumilikdə ölkənin valyuta ehtiyatlarının artması dövlət üçün yaxşı göstəricidir".
Fatimə Heydərova
