Bayramda 7 gündə yol qəzalarında 62 nəfər ölüb
Bölmə: Hadisə ›
,
Tarix: 22:03 05.04.2025
Daxili İşlər naziri Ali Yerlikaya Ramazan bayramında 7 gündə baş verən yol qəzalarında 62 nəfərin həyatını itirdiyini, 7388 nəfərin isə yaralandığını açıqlayıb.
Nazir Yerlikaya sosial media hesabından verdiyi açıqlamada bayramın 7-ci günündə 580 yol qəzası baş verdiyini bildirib.
Bu qəzalarda 5 nəfərin həyatını itirdiyini, 855 nəfərin isə yaralandığını bildirən Yerlikaya, "Yoxlamalarımız fasiləsiz olaraq davam edir. Personalımız qəzaların qarşısını almaq üçün gecə-gündüz çalışır. Lütfən, sürəti həddindən artıq artırmayın. Nəqliyyat vasitələrimizdə və avtobuslarımızda təhlükəsizlik kəmərlərini taxmağı unutmayaq. Orda yol qaydalarına ciddi şəkildə əməl edək",- deyib.
Nazir Yerlikaya 9 günlük bayram günlərində polis və jandarma qruplarının yol yoxlamalarını apardığını, dünən 628 min 532 avtomobilin texniki baxışdan keçirildiyini, 26 min 475 avtomobildə sürət və radar yoxlaması, 46 min 94 avtomobildə isə digər prosedurların aparıldığını qeyd edib.
Həyatını itirənlərə Allahdan rəhmət, yaralılara isə tezliklə şəfa diləyən Yerlikaya bu gün səhər saatlarında Pendik Kurnaköy gişeləri ərazisində avtomobilin kassalarda gözləyən yük maşınının altına düşməsi nəticəsində baş verən yol qəzasında 3 nəfərin həyatını itirdiyi barədə məlumatı paylaşıb.
Mənbə: TRT Haber
Fatimə Şahverdiyeva
