Putin qanunsuz miqrantların hüquqi statuslarını tənzimləmə müddətini uzadıb

Bölmə: Dünya › ,
Tarix: 00:23 29.04.2025

 

Rusiyada miqrantlara hüquqi statuslarını tənzimləmək üçün verilən möhlətin vaxtı 133 gün uzadılıb. 

 

"İnformator.az" xəbər verir ki, bu barədə Rusiya prezidenti Vladimir Putin fərman imzalayıb.

 

 

Fərmana əsasən, əcnəbilərin və vətəndaşlığı olmayan şəxslərin Rusiyada hüquqi statuslarını tənzimləmə müddəti 2025-ci il sentyabrın 10-dək uzadılıb.

 

Qeyd edək ki, Putinin ötən ilin sonunda imzaladığı fərmana əsasən, qanunsuz miqrantların hüquqi statuslarını tənzimləmək üçün aprelin 30-dək vaxt verilib.

 

Bu müddət ərzində hüquqi statusunu tənzimləməyən miqrant mayın 1-dən etibarən Rusiya ərazisindən çıxarılacaqdı.