Bakıda daha bir avarçəkmə yarışı keçiriləcək

Bölmə: İdman › ,
Tarix: 15:50 05.07.2025

 

 

Bakı Şəhər Gənclər və İdman İdarəsi ilə Azərbaycan Kanoe və Avarçəkmə Federasiyasının (AKAF) təşkilatçılığı ilə iyulun 11-də avarçəkmə üzrə açıq Bakı çempionatı keçiriləcək.

"İnformator.az" xəbər verir ki, bu barədə AKAF-nin mətbuat xidmətindən məlumat verilib.

 

Yeniyetmə və gənc idmançıların iştirakı ilə baş tutacaq turnirə Bakı və Mingəçevirdən ümumilikdə 100-ə yaxın avarçəkən qatılacaq.

 

Reqlamentə əsasən, açıq Bakı çempionatında idmançılar akademik avarçəkmə və kanoedə 1 nəfərlik qayıqda 500 metr məsafə üzrə mübarizə aparacaqlar.

 

Kayak qayığında isə avarçəkənlər 500 metr məsafədə həm 1 nəfərlik, həm də 2 nəfərlik qayıqda çempionluq uğrunda yarışacaqlar.