Sosial medianın cəmiyyətdə təsiri
Bölmə: MEDİA ›
,
Tarix: 21:42 03.04.2024
Artıq həyatımızın bir parçasına çevrilmiş sosial mediada çox vaxt keçirib, demək olar ki, günlük həyatımızın hər anını duyğu və düşüncələrimizi paylaşırıq. Bugünkü rəqəmsal dövrdə əlaqə qurma, ünsiyyət və məlumat istehlak etmə tərzimiz də inqilab etdi. Müxtəlif platformalarda aktiv şəkildə məşğul olan milyonlarla istifadəçi ilə sosial media cəmiyyəti formalaşdıran təsirli qüvvəyə çevrilib. Sosial medianın yaranması ilə insanların ünsiyyət və məlumat paylaşma tərzi də dəyişdi. Sosial medianın geniş yayılması dünyanı daha kiçik və bir-birinə daha bağlı hiss etdirdi. O insanları bir-biri ilə əlaqə saxlaması üçün bir platforma təmin etmişdir.
Sosial medianın ən təəccüblü təsiri onun ünsiyyət və əlaqəni dəyişməsindədir. O, heç bir coğrafi məhdudiyyət tanımayan qlobal kommunikasiya şəbəkəsini yaradaraq, fərdlərin qarşılıqlı əlaqəsini əsaslı şəkildə yenidən formalaşdırdı. Birincisi, sosial media platformaları şəxsiyyətlərarası ünsiyyəti yenidən müəyyənləşdirdi. Məsafə artıq insanların sevdikləri və dostları ilə əlaqə saxlamasına mane olmur. Sosial şəbəkə və mesajlaşma proqramları dostlar və ailə ilə əlaqə saxlamağı, yardım qəbul etməyi və göstərməyi asanlaşdırır. İkincisi, sosial media fiziki məsafəni əhəmiyyətsiz edib. Bu, müxtəlif mədəniyyətlərdən olan insanlar arasında dərhal qarşılıqlı əlaqə təklif edir, bir-birinə hörmət və qlobal birlik hissi yaradır. Bu, bizim şəxsi, peşəkar, siyasi və ictimai səylərimizə təsir göstərir. Buna görə də, sosial medianın əvvəlki iştirak və ünsiyyət kanallarına universal təsiri nəticəsində bir media ilə əlaqə qurma yollarımızda əhəmiyyətli dəyişiklik baş verdi. Korporativ mühitdə də əhəmiyyətli dəyişiklik baş verdi . Belə ki , o rəqəmsal əsrdə uğur axtaran şirkətlər üçün vacib alətə çevrildi. Gəlin ondan başlayaq ki, sosial media bizneslərə və onların müştərilərinə birbaşa keçid verir. Real vaxtda brend loyallığının qurulması, auditoriya cəlb edilməsi və sorğulara cavab verilir.Bundan əlavə, sosial media tərəfindən yaradılan məlumatlar istehlakçıların seçimləri ilə bağlı əvəzolunmaz fikirlər təqdim edir və bizneslərəmarketinq strategiyalarını dəqiqləşdirməyə kömək edir.
İstifadəçinin demoqrafik xüsusiyyətləri və davranışları ilə idarə olunan hədəflənmiş reklam, reklam xərclərinin səmərəliliyini artırır. Xülasə ,sosial media müasir biznes və marketinqin təməl daşına çevrilərək, müştərilərin cəlb edilməsi, brendin təşviqi və məlumatlara əsaslanan seçim üçün misilsiz seçimlər təklif edir. Sosial medianın imkanlarından, bugünkü həyatımızdakı rolundan danışdıq . Bəs, insan psixologiyasına necə təsir edir?!
Sosial mediadan istifadənin özümüzü daha tənha və təcrid etdiyimiz səbəbi insanlarla üz-üzə keçirdiyimiz vaxtı azaltması ola bilər. Real həyatdakı əlaqələr və ünsiyyət daha sağlam münasibətlər qurarkən özümüzü daha az tək hiss etməmizə səbəb ola bilər. Depressiya və anksiyeteyə səbəb ola bilər , özgüvən düşkünlüyü yaşamamıza səbəb ola bilər. Sosial şəbəkələrdə gördüyümüz kimi insanlar böyük nailiyyətlər əldə edir, çox əylənir və həyatdan həzz alırlar. Başqaları tam yaşayarkən, biz sadəcə onları izləyib ,paylaşdıqları postları, reels, videolarını bəyənib , onların bazarını sadəcə artırıq. Güclü iradəyə sahib insan öyrədici kanalları izləyib ,ayağa qalxıb dərhal özünü inkişaf üçün hərəkətə keçəcək . Özgüvənsiz isə sadəcə divanında uzanıb baxıb , özünə hörmətini aşağı sala, narahatlığını tətikləyə və sosial mediadan istifadəsinii daha da artıra bilər. Və artıq o sosial media qurbanıdır. Təbii ki, sosial medianın psixi sağlamlığımıza təsiri mənfi nəticələrlə məhdudlaşmır. Sosial medianın şüurlu istifadəçilər üçün psixi sağlamlığımızı dəstəkləyəcək xüsusiyyətləri də var. İnsanlarla əlaqə qurmaq, oxşar maraqları olan insanlara çatmaq, mühüm mövzularda maarifləndirmək, zaman-zaman axtardığınız emosional dəstəyi tapmaq, yaradıcılığınızı inkişaf etdirmək və özünüzü daha asan ifadə etmək imkanı yaratmaq sosial medianın insana müsbət təsirlərindən yalnız bir neçəsidir.
Şəbnəm Əlizadə
