Verstappen daha çox qalibiyyət istəyir!

Bölmə: İdman › ,
Tarix: 16:32 05.08.2024

Red Bull komandasının sürücüsü Maks Ferstappen mövsümün ikinci yarısında daha çox qələbə qazanmaq istəyir.

Maks Verstappen İspaniya Qran Prisindən sonra heç bir yarış qazana bilməyib. Hazırkı dünya çempionu ümid edir ki, "Red Bull Racing" yay fasiləsindən sonra tempi artırıb yenidən qalib gələcək.

Verstappen: "Realist olmaq lazımdır. Mən həmişə demişəm ki, bir gün güc balansı dəyişəcək. Əvvəlki bir neçə yarışda da məhz belə olub. Komanda ilə irəli getməliyik, çünki əks halda bizi çətin və uzun mövsüm gözləyir.

Düşünürəm ki, vəziyyət çox aydındır. Hər kəs tam öhdəliyi ilə işləməli və mövsümün sonuna qədər əlindən gələni etməlidir. Ümid edirəm ki, mövsümün qalan hissəsində yarışlarda qalib gəlmək üçün kifayət qədər imkanlarımız olacaq.

Onunla heç nəyi uzun-uzadı müzakirə etmək lazım deyil. Biz sadəcə işləməyə davam edirik. Bu belə olmalıdır. Həmişə belə olub, amma bu dəfə sözlər kontekstdən çıxarılıb”.

 

Mənbə: Motorsport
Məhəmməd Qasımov