"Qarabağ" səfərdə Bolqarıstan klubu ilə qarşılaşacaq-RƏY

Bölmə: İdman › ,
Tarix: 12:15 13.08.2024

"Qarabağ" UEFA Çempionlar Liqasında (ÇL) növbəti oyununu bu gün keçirəcək. Matçla bağlı "informator.az"a fikirlərini bölüşən Ağa Dadaşzadə deyib ki, görüş çox çətin olacaq:

"Böyük ehtimal ki, bərabərlik olacaq, amma bu sadəcə olaraq proqnozdur. "Ludoqorets" ənənəvi müdafiə futbolunu oynayacaq. "Qarabağ" daha çox məsuliyyət hissi ilə meydana çıxacaq, çünki ilk oyun məğlub olub və mütləq qələbə lazımdır. Klub prezidenti də komandaya dəstək üçün onlarla birgə gedib. Üstünlük rəqibdədir, amma düşünürəm ki, Qurban Qurbanov "B planı" hazırlayıb və bununla turu keçəcəyik".

Qarşılaşma Bakı vaxtı ilə saat 22:00-da start götürəcək. Görüşü italiyalı Simon Sozza idarə edəcək.

Qeyd edək ki, Tofiq Bəhramov adına Respublika stadionunda baş tutan ilk oyunda qonaqlar 2:1 hesablı qələbə qazanıblar.

Zəhra Həsənova