Galatasaray Joaquin Correa transferi üçün hərəkətə keçdi!

Bölmə: İdman › ,
Tarix: 22:08 03.12.2024

 

“İnformator.az” xəbər verir ki, Galatasaray, Inter Milanın argentinalı hücumçusu Joaquin Correanı transfer etmək üçün ciddi addımlar atır.

 

 

Klub, Mauro İcardinin zədələnməsi səbəbindən hücum xəttini gücləndirmək məqsədilə 30 yaşlı futbolçunu hədəf seçib. Correanın Inter-də artıq baş məşqçinin planlarında yer almadığı və klubun onun satışı üçün təxminən 10 milyon avro qiymət müəyyən etdiyi bildirilib.

 

Galatasaray yay transfer pəncərəsində də Correaya maraq göstərib, lakin həmin vaxt danışıqlar uğursuz nəticələnib. Yanvar transfer dönəmində isə İstanbul klubu daha aktiv mövqedədir. Correanın yüksək maaşı müəyyən çətinliklər yaratsa da, Galatasaray rəhbərliyi uyğun həll yolu tapmağa çalışır.

 

Alternativ olaraq, Fənərbaxça və River Plate kimi klubların da Correa ilə maraqlandığı qeyd olunur. Lakin argentinalının Türkiyədə Galatasaray formasını geyinməsi daha real görünür.

 

Qeyd edək ki, Correanın Inter-dəki çıxışı uğursuz hesab olunub. O, Marsel klubunda icarədə olduğu müddətdə də gözləntiləri doğrulda bilməyib. Buna baxmayaraq, Galatasarayın texniki heyəti onun təcrübəsini və texniki bacarıqlarını komandaya uyğun hesab edir.

 

Transfer baş tutacağı halda Joaquin Correa, Super Liqa çempionluğunu müdafiə edən Galatasarayın hücum xəttinə əhəmiyyətli töhfə verə bilər.

 

Xanım Ağamalıyeva