Yeni ilin gəlişi maşın bazarına necə təsir edəcək ?

Bölmə: Sosial › ,
Tarix: 20:41 25.12.2024

Bu il də yekunlaşır, növbəti ilin gəlişi isə bir çox sahələrə təsirsiz ötüşməyəcək. Avtomobil bazarı da onların arasındadır.

 

Mövzu ilə bağlı “informator.az”a açıqlamasında nəqliyyat vasitələri üzrə ekspert Eldəniz Cəfərov bildirib ki,hazırda avtomobil bazarında fəallıq azalıb:

 

“Yeni ilin gəlişi ilə bazarda hər hansı bir dəyişiklik gözlənilmir, qiymətlərdə kəskin artış və enmə də olmayacaq. Ölkəyə idxal olunan avtomobillərə gəldikdə isə, gələn il ərzində idxal olunan hibrid avtomobillərin payı daha da artacaq, çünki, hibrid Azərbaycanda artıq populardı. İnsanlar hibrid mühərrikli avtomobillərə maraq göstərirlər və gələn ildə bu tendensiya olduğu kimi qalacaq, hətta ,daha da artacaq. Yeni ilin gəlişi maşın bazarında köklü dəyişikliklərə səbəb olmayacaq”.

 

Bəşirova Əsmər