Tramp administrasiyası Harvardı antisemitizmdə günahlandırıb

Bölmə: Dünya › ,
Tarix: 10:47 01.07.2025

ABŞ-də federal işçi qrupu Harvard Universitetini yəhudi və israilli tələbələrin hüquqlarını pozmaqda ittiham edir və universiteti federal maliyyədən məhrum etməklə hədələyir.

 

Araşdırmada qeyd olunur ki, Harvard bəzən bu hallara göz yumur, bəzən isə təqiblərdə iştirak edir. Məktubda bildirilib ki, tələbələrin çoxu diskriminasiya ilə üzləşir, bəziləri isə özünü təhlükədə hiss edir. Universitet xəbərdarlığa baxmayaraq, tələb olunan dəyişiklikləri etməyib.

 

Harvard cavab olaraq bildirib ki, antisemitizmə qarşı ciddi addımlar atır və kampusun bütün üzvləri üçün təhlükəsiz mühit yaratmağa çalışır. Lakin Tramp administrasiyası 2,5 milyard dollar federal vəsaiti dondurub, qəbul prosesində dəyişikliklər tələb edib, bəzi tələbə qruplarının ləğvini istəyib və beynəlxalq tələbələrə məhdudiyyətlər qoyub. Administrasiya, həmçinin universiteti “Amerika dəyərlərinə zidd olan” şəxsləri qəbul etməkdə ittiham edir.

 

Bu proses Kolumbiya, Kornell, Şimal-Qərb və digər universitetlərə də təsir edib. Tramp bu etirazları qanunsuz adlandırır. Universitetlər isə bildirir ki, bu tədbirlər akademik azadlıq və söz azadlığına zərbə vurur.

Al Jazeera
Qəmər Kazımzadə