Çində zəlzələ yenə can aldı

Bölmə: Araşdırma › ,
Tarix: 20:04 19.12.2023

Çinin şimal-qərbində yerləşən Qansu və Çinxay əyalətlərində azı 116 nəfərin ölümüylə nəticələnən zəlzələ baş verib.

 

Çinin dağlıq vilayətlərində baş verən fəlakəti ölkənin dövlət mediası dekabrın 19-da ictimaiyyətə çatdırıb. Çinin Zəlzələ Şəbəkələri Mərkəzi zəlzələnin 6.2 bal gücündə olduğunu, yerin 10 km dərinliyində olduğunu bildirib. Lakin ABŞ Geoloji Xidməti zəlzələnin 5.9 bal gücündə olduğunu deyib. Qansu və Çinxay əyalətlərində axtarış xilasetmə əməliyyatları davam edir. Xilasetmə işlərində 4000 yanğınsöndürən , əsgər və polis iştirak edib.

 

Medianın məlumatına görə zəlzələ nəticəsində 500 nəfərdən çox insan xəsarət alıb, yaşayış məntəqələrinə ciddi ziyan dəyib və elektrik-rabitə xətləri sıradan çıxıb.

 

Əli Məmmədli