Kimyaterapiyaya nəzərən alternativ xərçəng müalicəsi təcrübə edilir!
Bölmə: Araşdırma ›
,
Tarix: 20:44 24.01.2024
Bildirilib ki, Texsasdakı Rays Universitetinin tədqiqatçılarının "molekulyar çəkiclər" (MHJ) adlandırdığı üsul şişləri aradan qaldırmaq üçün istifadə edilə bilər.
MHJ metodunda, tibbi görüntüləmə prosedurlarında istifadə edilənə bənzər bir siyanin boyası bədənə vurulur. Bu boya xərçəng hüceyrəsinə bağlandıqdan sonra bədənə zərər vermədən dərinliyə nüfuz edə bilən infraqırmızı işıqla aktivləşir.
Bu siqnallar xərçəng hüceyrəsində vibrasiyaya səbəb olur və hüceyrə membranının qopmasına səbəb olaraq xərçəngi məhv edir.
Araşdırmanın aparıcı müəllifi Ciceron Ayala Orozco texnologiyanın hələlik yalnız siçanlar üzərində sınaqdan keçirildiyini və prinsipcə işlədiyini bildirib. Akademik bildirib ki, insanlar üzərində təcrübələr ancaq illər sonra aparıla bilər.
Orozco həmçinin MHJ texnologiyasının xərçəng müalicəsində istifadə edilən kimyaterapiya ilə müqayisədə daha az yan təsirlərə səbəb olacağını ifadə edib.
Rays Universitetindən James Tour, aqressiv dəri xərçəngi olan melanoma olan siçanlar üzərində apardıqları təcrübələrdə heyvanların yarısında xərçəng hüceyrələrinin tamamilə məhv edildiyini bildirib.
Tədqiqatçı bu texnologiyanın bədəndəki xərçəng hüceyrələrinin qalıqlarını aşkar etmək üçün də istifadə oluna bilməsi üçün araşdırmalarını davam etdirdiklərini söyləyib.
Mənbə: TRThaber
Tərcümə etdi: Banuçiçək Kalbalıyeva
