Yeni “Star Wars” filmindən fanatları sevindirəcək xəbər

Bölmə: Araşdırma › ,
Tarix: 15:04 26.01.2024

“Star Wars” kainatının davam üçləməsində “Rey Skywalker” rolunu canlandıran Britaniya əsilli aktrissa Daisy Ridley yaxınlaşan yeni davam filmi ilə bağlı açıqlamalarıyla gözləntiləri xeyli artırdı. Ridley verdiyi son müsahibədə layihəyə olan həyəcanını paylaşdı və hekayə ilə bağlı bir sıra sızıntıları təqdim etdi. 

 

Gənc aktrissa, 2 Oscar mükafatı sahibi Obaid-Chinoy’un davam filmi ilə inanılmaz fikirləri olduğunu bildirdi. Ridley layihəyə güvəndiyini bildirərək, hekayə maraqlı olmasaydı, “Star Wars” kainatına qayıtmaq üçün bu qədər həvəsli olmayacağını ifadə etdi. Əlavə məlumatlardan qaçaraq o, pərəstişkarlarına hekayədən olduqca razı qaldığını söylədi və Obaid-Chinoyun təqdim etdiyi tam hekayə konspekti onu filmin əvvəlki filmlər kimi keyfiyyətli bir proyekt olduğuna inandırdığını əlavə etdi.

 

Yeni “Star Wars” filminin ssenarisini hazırda “Peaky Blinders” serialındakı işi ilə tanınan Steven Knight hazırlayır. Layihə Damon Lindelof və Justin Britt-Gibsonun əsas yaradıcı heyətdən ayrılması ilə bir neçə dəyişikliklərə məruz qaldı və buna baxmayaraq, Daisy Ridley filmin gələcəyində mərkəzi fiqur olaraq qalmaqda davam edəcək. Ridley həmkarları John Boyega (Finn) və Oscar İsaac’n (Poe Dameron) filmə qayıdışını nə təsdiq, nə də inkar etdi. Bununla belə, o, “Skywalker trilogiyası”ndan bəri şəxsi inkişafını nəzərə alsaq, böyük “Star Wars” hekayəsindəki bu yeni fəslin onun üçün fərqli bir təcrübə olacağını etiraf etdi. Ridley bir aktrissa kimi illər ərzindəki inkişafını vurğuladı və müxtəlif kinorejissorlarla işləmək təcrübəsini nəzərə alaraq qarşıdan gələn filmin necə fərqli hiss etdirdiyini də ifadə etdi.

 

Əli Məmmədli