Sautqeyt istefa verdi

Bölmə: İdman › ,
Tarix: 15:44 16.07.2024

Qaret Sautqeyt Avro-2024 finalında İspaniyaya qarşı məğlub olduqdan sonra İngiltərənin baş məşqçi postundan istefa edib.

 

Qaret Sautqeyt İngiltərə millisinin baş məşqçisi postunu təxminən səkkiz il idarə etdikdən sonra tərk edib. 53 yaşlı mütəxəssis bu qərarı komandasının Avro-2024-ün finalında İspaniyaya məğlubiyyətindən sonra verib. Sautqeytin müqaviləsi bu ilin dekabrında başa çatmalı idi, lakin o, "Üç Şir"i ardıcıl ikinci Avropa Çempionatının finalına çıxaran rolu tərk etdi.

Qeyd etmək lazımdır ki, İngiltərə Sautqeytin başçılığı altında 2021-ci ildə İtaliyaya qarşı finalda məğlub olmuşdu.

 

Sautqeyt 102 matça rəhbərlik edən və 61 qələbə qazanaraq ölkənin ən uğurlu menecerlərindən biri olaraq İngiltərənin üçüncü ən uzunmüddətli meneceri kimi vəzifəsini tərk edir.

 

Mənbə: EuroSport

Məhəmməd Qasımov