NASA, Günəşə ən yaxın nöqtəyə çataraq tarix yazdı

Bölmə: Maraqlı › ,
Tarix: 21:04 27.12.2024

NASA-nın canlandırma fotosunda kosmik aparat Günəşə yaxın bir nöqtədə irəliləyir. 

 

NASA-ya məxsus bir kosmik aparat, indiyə qədər Günəşə ən çox yaxınlaşan insanım hazırladığı cihaz oldu.

 

Parker Günəş Zondası adlı aparat, olduqca yüksək radiasiya və istiliyə məruz qalaraq Günəşin xarici atmosferindən keçdi.

 

Günəşin arxa tərəfində qaldığı üçün bir neçə gündür siqnalı alınmayan Parker, 26 dekabrın son dəqiqələrində ilk siqnalını göndərdi.

 

Gələn məlumatlar aparatın saatda 692 min kilometr sürətə və 980 dərəcə Selsi istiliyə çatdığını göstərdi.

 

NASA, aparatın hələ də funksional olduğunu və Günəşin səthinə 6,1 milyon kilometr yaxınlaşdığını açıqladı. Müqayisə üçün, bu məsafə Yer ilə Ay arasındakı uzaqlığın təxminən 16 misli, Yer ilə Günəş arasındakı məsafənin isə 24-dən biri qədərdir.

 

Mənbə :BBC News 

Nigar Həsənzadə