İmsakda nə yeyilməlidir ?

Bölmə: Maraqlı › ,
Tarix: 21:51 04.03.2025

Müqəddəs Ramazan ayının gəlməsi ilə sahur və iftar süfrələri üçün hazırlıqlar başlayıb. İnsanlar gün boyu həm tox qalmaq, həm də susuzluğu minimuma endirmək üçün sağlam sahur menyularını araşdırırlar. Mütəxəssislər, enerjini qorumaq üçün sahurda tox tutan qidaların seçilməsinin vacib olduğunu vurğulayır və iftarda isə mədəni yormayan yüngül yeməklərin yeyilməsini tövsiyə edirlər. Bəs sahurda nə yeyilməlidir? Hansı qidalardan çəkinmək lazımdır?

 

Sahurda nə yediyiniz gün ərzində enerjinizi və susuzluq səviyyənizi birbaşa təsir edir. Ramazan ayı boyunca sağlam qidalanma rejimi yaratmaq oruc tutan insanlar üçün çox vacibdir. Gün boyu ac qaldıqdan sonra iftar yeməyini düzgün planlaşdırmaq mədə narahatlıqlarının qarşısını alır. Mütəxəssislər, iftar zamanı da mədəni yormayacaq, sağlam və balanslı qidalanma rejimi tətbiq olunmasının vacibliyinə diqqət çəkirlər.

 

İç Xəstəlikləri üzrə mütəxəssis, dosent Dr. Esra Demir sahur və iftarın ağır qidalardan uzaq tutulmalı olduğunu bildirir. O, xüsusilə emal olunmuş qidalardan və hazır yeməklərdən çəkinməyi tövsiyə edir. Sahurun atlanmamalı olduğunu vurğulayan Demir bildirib: “Sahur bizim üçün çox vacib bir yeməkdir. Gün ərzində səhər yeməyi nə qədər əhəmiyyətlidirsə, sahur da o qədər əhəmiyyətlidir. Çünki sahurda qəbul etdiyimiz qidalar gün ərzində bizə enerji verəcək, bizi gümrah saxlayacaq”.

 

İç Xəstəlikləri üzrə mütəxəssis, sahurda hansı qidalardan çəkinmək lazım olduğuna dair tövsiyələr verib:

 

“Sahurda yağlı yeməklərdən, qızartmalardan və un məmulatlarından uzaq durmağı tövsiyə edirəm. Çünki bu qidalar gün ərzində qan şəkərini qeyri-sabit artıracaq və sonrasında insulinin nizamsız ifraz olunmasına səbəb olaraq, ‘reaktiv hipoqlisemiya’ adlanan yeməkdən sonra şəkərin düşməsi halını yarada bilər.

 

Oruc olduğumuz üçün gün ərzində yenidən şəkər qəbul edə bilməyəcəyimizdən hipoqlisemiya əlamətləri çox ola bilər. Buna görə də sahurda proteinlə zəngin və sağlam karbohidrat mənbələri olan qidaları seçməyinizi tövsiyə edirəm”.

Mehriban Nəsibova