Myanmada 7,7 və 6,4 bal gücündə zəlzələlərdən sonra afterşoklar davam edir

Bölmə: Dünya › ,
Tarix: 20:17 30.03.2025

Myanmada 28 martda baş verən 7,7 və 6,4 bal gücündə iki zəlzələdən sonra 5,1 bal gücündə daha bir afterşok qeydə alınıb.

 

ABŞ Geoloji Tədqiqatlar Mərkəzinin (USGS) məlumatına görə, Myanmanın ikinci ən böyük şəhəri Mandalaynın təxminən 30 kilometr şimal-qərbində 5,1 bal gücündə afterşok baş verib.Zəlzələ 10 kilometr dərinlikdə qeydə alınıb. Bu arada, zəlzələ bölgəsində çalışan humanitar təşkilat nümayəndələri bildirib ki, xilasetmə işləri zəlzələnin təsiri səbəbindən bir çox əraziyə daxil olmağın çətinliyi ucbatından yavaş gedir. Myanmanın mərkəzi hissəsində yerləşən Saqainq bölgəsi yaxınlığında 28 martda 7,7 və 6,4 bal gücündə iki zəlzələ baş verib. Zəlzələlərdən sonra bir çox afterşok qeydə alınıb. Son məlumatlara görə, zəlzələ nəticəsində 1644 nəfər həyatını itirib, yaralıların sayı isə 3408-ə çatıb.

 

TRT HABER
Billurə Quliyeva