Milyarder Bill Qeyts tarixi açıqladı: “Suverenliyimiz 2035-ci ildə sona çatacaq!”

Bölmə: Dünya › ,
Tarix: 13:21 02.04.2025

Texnologiya dünyasının aparıcı simalarından biri olan Bill Qeyts süni intellektin qarşıdakı 10 ildə iş dünyasında böyük dəyişikliklərə səbəb olacağını və insanların iş həyatındakı hökmranlığının 2035-ci ilə qədər sona çatacağını iddia edib.

 

“Microsoft”un qurucusu Bill Qeyts bir televiziya proqramında süni intellektin (AI) getdikcə bir çox sektorlarda rol aldığını və bu transformasiyanın iş həyatında köklü dəyişikliklər yaradacağını bildirib.
Qeyts süni intellektin insanları işlərindən tamamilə uzaqlaşdırmayacağını, əksinə, daha səmərəli və daha sürətli işləyərək insanların vaxtına qənaət edəcəyini bildirib.
Qeytsin fikrincə, süni intellekt xüsusilə təhsil və səhiyyə sektorlarında inqilab edəcək. Süni intellektlə dəstəklənən tibbi və tədris xidmətlərini pulsuz etməklə bütün dünyada bərabər imkanlara nail olmaq olar.
Bill Qeyts süni intellektin işçi qüvvəsini dəyişdirmək potensialını vurğulayaraq, iş saatlarının qısaldıla biləcəyini və insanların diqqətini daha çox insani işlərə yönəldə biləcəyini bildirdi.

 

Mənbə:CNN Türk
Əminə Əliyeva