Peskov: Vaşinqton hələ də Ukraynanın hücumlarına reaksiya verməyib
Bölmə: ,
Tarix: 19:33 02.04.2025
Rusiya prezidentinin mətbuat katibi Dmitri Peskov bildirib ki, indiyədək Ukrayna ordusunun Rusiyanın enerji obyektlərinə hücumlarına Vaşinqtondan heç bir cavab verilməyib.
“Hələ ki, Kiyev rejiminin bu cür hərəkətlərinə heç bir reaksiya verilməyib”, – deyə Peskov TASS-a açıqlamasında qeyd edib. O, diplomatik reaksiya ilə bağlı suallara Xarici İşlər Nazirliyinin cavab verə biləcəyini bildirib.
Bundan əvvəl Rusiya xarici işlər naziri Sergey Lavrov da məsələyə toxunaraq, pozuntuların siyahısının ABŞ-ın milli təhlükəsizlik üzrə müşaviri Mayk Vals, ABŞ dövlət katibi Marko Rubio və Rusiyanın BMT və ATƏT-dəki nümayəndələrinə təqdim edildiyini bildirmişdi. Lavrov qeyd edib ki, bu addım Ukrayna hakimiyyətinin vədlərinin nə qədər etibarlı olduğunu sübut edən faktları təqdim etmək məqsədi daşıyır.
TASS
Gülhüseynova Güllər
