"Ədalətli idarəçilik istəyirik"

Bölmə: İdman › ,
Tarix: 22:03 04.04.2025

"Fenerbahçe"nin açıqlaması:

 

"Mövsümün əvvəlindən etibarən irəli sürdüyümüz xarici hakim və xarici VAR tələbləri, Türkiyə futbolunda ədalətli və şəffaf idarəetmə anlayışının formalaşması üçündür.

Həftə sonu "Trabzonspor" ilə oynayacağımız matçda da gözləntimiz aydındır:

Son derbidə baş verdiyi kimi, incə fitlərlə komandamızın qarşısı kəsilməsin, meydanda yaxşı oynayan qazansın.

Bu şərtlər təmin edildikdə, "Fenerbahçe"nin çempionluq yolunda qətiyyətlə irəliləyəcəyinə tam inanırıq.

Rəqibimizin də idarəçilik narahatlıqları mövzusunda eyni mövqedə olduğunu görmək, bu çağırışımızın nə qədər haqlı və ümumi bir tələb olduğunu sübut edir.

Biz də bu nöqtədə ədalətin təmin olunması üçün mövqeyimizi açıq şəkildə ortaya qoyuruq.

Elə baş məşqçimiz də həm qazandığımız, həm də uduzduğumuz matçlardan sonra müvafiq hakim haqqında fikirlərini bildirərək nə qədər obyektiv yanaşdığını sübut edib.

Bir daha vurğulamaq istəyirik ki, "Fenerbahçe" həmişə ədalətin tərəfdarıdır.

Klubumuz heç vaxt anlıq mənfəətlər naminə prinsiplərindən güzəştə getməz".

 

Mənbə :TRT Haber 

Nigar Həsənzadə