"Qalan 7 həftəni yaxşı keçirmək istəyirik"
Bölmə: İdman ›
,
Tarix: 22:06 04.04.2025
Trendyol 1-ci Liqa komandalarından "MKE Ankaragücünün" yeni baş məşqçisi Mesut Bakkal, qalan 7 həftəni uğurla keçərək müvəffəqiyyət qazanacaqlarına inandığını bildirib.
Beştepe Tesislerində keçirilən məşqdən əvvəl mətbuat nümayəndələrinə açıqlama verən Bakkal, belə danışıb:
"Burada olmaqdan çox xoşbəxtəm. Komanda ilə iki gündür birlikdəyik, amma özümü buradan biri kimi hiss edirəm. 2000-ci ildə gəlib UEFA Kubokuna getdik. 2011-ci ildə Ankaragücündə yenidən çalışaraq komandanı xilas etdik. İndi də qismət oldu, evimə qayıtdım. Gələrkən "Nə olar?"deyə düşünmədim. Vaz keçə bilmədiyimiz bir camia, sevdiyimiz bir azarkeş qrupu var. Uğur qazandıqda nələrin baş verdiyini yaxşı bilən biriyəm".
Bakkal, hazırda birlik və həmrəylik vaxtı olduğunu vurğulayaraq deyib:
"Çətin bir prosesdən keçirik, amma yaxşı komandayıq. İnşallah, qalan müddətdə komandaya töhfəm olacaq, buna inanıram. Qalan 7 həftəni yaxşı keçirmək istəyirik. Evimizdəyik və buranı daha yaxşı vəziyyətə gətirmək bizim vəzifəmizdir. Camiamızdan 7 həftə boyunca bizimlə birlikdə olmalarını gözləyirik. Keçmiş futbolçularımız da bu prosesə dəstək olurlar".
"Derbi hazırlıqları davam edir"
"MKE Ankaragücü" həftə sonu "Gençlerbirliği" ilə oynayacağı derbi matçının hazırlıqlarını davam etdirib.
Baş məşqçi Mesut Bakkalın rəhbərliyi ilə bir hissəsi mətbuata açıq keçirilən məşqdə sarı-göylü futbolçular isinmə hərəkətlərindən sonra ötürmə çalışmaları ediblər. Məşqin mətbuata qapalı hissəsində isə Bakkalın futbolçulara taktiki hazırlıq keçdiyi bildirilib.
Sarı-göylü komandada zədəli olan Mahmut Tekdemir və qapıçı Ertaç Özbir fərdi məşq edib. Digər tərəfdən, "Ankaragücü"ndə oynamış keçmiş futbolçular derbi öncəsi futbolçulara mənəvi dəstək verməyə gəliblər. Mesut Bakkal və komandanın kapitanları Mahmut Tekdemir və Osman Çeliklə söhbət edən keçmiş futbolçular, komandaya olan etimadlarını dilə gətiriblər.
Mənbə :TRT Haber
Nigar Həsənzadə
