Dəmir yolu fəaliyyəti ilə bağlı prinsiplər tənzimləndi

Bölmə: Dünya › ,
Tarix: 21:58 17.04.2025

Nəqliyyat və İnfrastruktur Nazirliyi fors-major hallar səbəbindən fəaliyyətinə vaxtında başlaya bilməyən operatorlara dəmir yolu daşımalarında təhlükəsizlik sertifikatı verildikdən sonra əlavə 6 ay müddət verə biləcək.

 

Nazirliyin “Dəmir Yollarının Təhlükəsizliyi Əsasnaməsində dəyişiklik edilməsi haqqında Əsasnamə” Rəsmi Qəzetdə dərc edilərək qüvvəyə minib.

 

Qayda dəmir yolu infrastrukturu, qatar və şəhər dəmir yolu ictimai nəqliyyatı operatorlarına təhlükəsizlik sertifikatlarının və ya təhlükəsizlik icazələrinin verilməsi ilə bağlı prinsipləri tənzimləyir.

 

Müvafiq olaraq, dəmir yolu qatarlarının istismarçıları təbii fəlakətlər, yanğınlar, qəzalar, texniki xidmət, təmir və ya modernləşdirmə işləri ilə əlaqədar müvafiq xətt hissəsinin bağlanması, qanuni tətillər, ümumi epidemiyalar, qismən və ya ümumi səfərbərlik elan edilməsi və digər fors-major səbəblərə görə təhlükəsizlik şəhadətnaməsi verildikdən sonra bir il ərzində fəaliyyətə başlaya bilmədikdə bu barədə Nazirliyə məlumat verir.

 

Nazirlik müraciəti qiymətləndirəcək və biznesin fəaliyyətə başlaması üçün 6 aya qədər əlavə müddət verəcək. Fors-major hallar davam edərsə, bu müddət Nazirlik tərəfindən uzadıla bilər.

 

Mənbə: TRT Haber

Fatimə Şahverdiyeva