“Qəbələ” üçün çempionluq oyunu

Bölmə: İdman › ,
Tarix: 10:33 18.04.2025

Azərbaycan I Liqasında çıxış edən “Qəbələ” bu gün çempionluğu rəsmiləşdirə bilər.

 

"İnformator.az" "Qafqazinfo”ya istinadən xəbər verir ki, bölgə təmsilçisi XXII turda “İmişli” ilə üz-üzə gələcək.

 

İmişli şəhər stadionunda baş tutacaq görüşün start fiti saat 16:30-da səsləndiriləcək.

 

Kaxaber Sxadadzenin baş məşqçisi olduğu komanda qələbə qazanacağı təqdirdə xallarının sayını 58-ə yüksəldəcək. Bu da qalan 5 turun nəticəsindən asılı olmayaraq, çempionluq üçün kifayət edəcək.

 

Qeyd edək ki, “Qəbələ” hazırda 55 xalla turnir cədvəlində liderdir. Komandanın ən yaxın izləyicisi “Karvan”ın 39 xalı var. Yevlax təmsilçisi bu gün Bakıda MOİK-in qonağı olacaq.