3000-dən çox avtomobil daşıyan gəmidə yanğın

Bölmə: Dünya › ,
Tarix: 16:21 05.06.2025

ABŞ-ın Alyaska ştatı sahillərində, içində 800-ü elektrikli olmaqla 3000-dən çox avtomobil olan yük gəmisində yanğın baş verib.

ABŞ-ın Alyaska ştatına bağlı Anchorage şəhərindən təxminən 1200 mil məsafədə yerləşən “Morning Midas” adlı gəminin göyərtəsində dünən günorta saatlarında yanğın baş verdiyi bildirilib. İçində 800-ü elektrikli olmaqla 3000-dən çox avtomobil olan yük gəmisində çıxan yanğının artıq 24 saatdan çoxdur davam etdiyi qeyd olunub.

ABŞ Sahil Mühafizəsi, avtomobillərdə olan litium-ion batareyalarının partlaya biləcəyi səbəbilə yanğının sönməsinə dərhal müdaxilə etməyəcəklərini açıqlayıb. Bildirilib ki, gəmidəki heyət üzvləri xilasetmə qayığı ilə gəmini tərk edə biliblər.

Mənbə: A HABER
Solmaz Muradova