Ryanair təyyarəsi Almaniyada təcili eniş edib

Bölmə: Dünya › ,
Tarix: 19:17 05.06.2025

 

Berlin-Milan marşrutu üzrə hərəkət edən Ryanair aviareysi, güclü ildırım fırtınası zamanı yaranan turbulensiya səbəbindən Almaniyanın cənubunda təcili eniş edib. Hadisə nəticəsində doqquz sərnişin xəsarət alıb.

 

Bavariya polisi hadisənin çərşənbə gecəsi baş verdiyini və təyyarənin Münxendən təxminən 115 km qərbdə yerləşən Memmingen hava limanına təhlükəsiz endiyini bildirib. Şiddətli hava şəraiti pilotu marşrutu dəyişməyə məcbur edib.

 

Xəsarət alanlar arasında başından zədə alan bir qadın, göyərtədə olan iki yaşlı uşağı və bel ağrısından şikayətlənən 59 yaşlı bir qadın xəstəxanaya aparılıb. Digər yüngül xəsarətlər alan sərnişinlərə isə hadisə yerində yardım göstərilib.

 

Ryanair cümə axşamı verdiyi açıqlamada, kapitanın enişdən əvvəl tibbi yardım tələb etdiyini təsdiqləyib. Şirkət sərnişinlərdən üzr istəyib, həmin gecə Milan istiqamətində avtobusla alternativ nəqliyyat təmin edib və ertəsi gün səhər əvəzləyici uçuş təşkil edib.

 

ANEWZ

Gülhüseynova Güllər