Polşanın xarici işlər naziri İlon Maska söz atıb

Bölmə: Dünya › ,
Tarix: 08:28 06.06.2025

Polşanın xarici işlər naziri Radoslav Sikorski milyarder İlon Maskla ABŞ Prezidenti Donald Tramp arasındakı mübahisəyə reaksiya verib. 

 

"İnformator.az" "Teleqraf"a istinadən xəbər verir ki, Polşa diplomatı X sosial şəbəkəsində Maskın vaxtilə onun barəsində işləydiyi ifadəni paylaşıb. 

 

Həmin ifadədə Mask Ukraynanın Starlink peyk rabitə sistemlərinə çıxışının kəsilməsini pisləyən R.Sikorskiyə deyirdi: "Sus, balaca adam. Sən dəyərin (peyk rabitəsi xidmətlərinin - red.) cüzi bir hissəsini ödəyirsən".

 

Sikorski isə bu dəfə Maska bu sözləri xatırladıb və Trampla mübahisəsini ironiya ilə şərh edib:

"Görürsən, böyük adam, siyasət sən düşündüyündən də mürəkkəbdir".