Sürücülər üçün yayda bu vəziyyət təhlükəlidir

Bölmə: Sosial › ,
Tarix: 15:13 03.07.2025

Avtomobili susuz vəziyyətdə idarə etmək sərxoş halda sürmək kimi eyni risk yaradır. Bu, ABŞ alimlərinin gəldiyi nəticədir.

"İnformator.az" Medicina.az-a istinadən xəbər verir ki, yeni bir araşdırmaya əsasən, susuz bir şəxs sərxoş sürücü kimi yol hərəkəti iştirakçıları üçün eyni təhlükə yaradır.

Susuz qalan sürücü də diqqətini itirir, bu səbəbdən də maşın sürərkən səhvlərə yol verir. 11 yetkin kişinin iştirak etdiyi təcrübələrin göstərdiyi kimi, bu, hətta kiçik dərəcədə susuzlaşmada da nəzərə çarpır.

Eksperimentin hər bir iştirakçısı üç seansdan keçib. Birincidə onlar avtomobili simulyatorda idarə etməklə tanış olublar, sonra avtomobili bədənin normal nəmləndirilməsi vəziyyətində, sonra isə susuzluqla idarə ediblər.

Məlum olub ki, tormozlama vaxtının düzgün hesablanmaması və ya zolağı təhlükəli şəkildə tərk etmək kimi xətaların yaranmasına məhz susuzluq səbəb olub.

Ona görə yayda sürücülər sükan arxasında su içməlidir.