Baltikyanı ölkələr birgə razılığa gəliblər
Bölmə: Dünya ›
,
Tarix: 19:55 07.07.2025
Litva, Latviya və Estoniya regional miqyasda ümumi müdafiə strategiyasının yaradılması istiqamətində mühüm addımlar atmağa qərar veriblər.
"İnformator.az" "Teleqraf"a istinadən xəbər verir ki, bu barədə Litvanın Müdafiə Nazirliyi üç ölkənin hərbi idarələrinin nümayəndələrinin Riqada keçirdiyi görüşün yekunlarına dair məlumat yayıb.
Məlumatda qeyd olunub ki, regional müdafiə konsepsiyasının hazırlanması üzrə məsləhətləşmələr aparılması qərara alınıb. Konsepsiyanın məqsədi səfərbərlik fəaliyyətlərinin planlaşdırılmasını əlaqələndirmək, NATO-nun müttəfiq bölmələrinin gəlməsi üçün uyğun şəraitin yaradılması və birgə səfərbərlik təlimlərinin keçirilməsi üçün konkret tədbirləri müəyyən etməkdir.
