"Neftçi" Yunanıstan klubu ilə qarşılaşacaq

Bölmə: İdman › ,
Tarix: 23:04 26.07.2025

“Neftçi” iyulun 27-də Polşa təlim-məşq toplanışı çərçivəsində üçüncü yoxlama matçını keçirəcək.

"İnformator.az" xəbər verir ki, bu barədə klubun mətbuat xidmətindən məlumat verilib.

 

Məlumata görə, “Neftçi” Yunanıstanın “Asteras Tripolis” klubu ilə qarşılaşacaq. Artıq görüşün başlama saatı da müəyyənləşib.

Matç Bakı vaxtı ilə saat 19:00-da (yerli vaxtla 17:00) start götürəcək. Oyun Keltse şəhərindəki Pilkarski stadionunda təşkil olunacaq. Tərəflərin istəyinə əsasən, oyun canlı yayımlanmayacaq.

Qeyd edək ki, “Hapoel Təl-Əviv” (1:1) və “Termalitsa Nyeçetşa” (2:2) ilə heç-heçə edən “Neftçi” sonuncu sınaq matçını avqustun 1-də AEL (Kipr) klubuna qarşı keçirəcək.