"Ludoqorets"lə ilk oyundan sonra ehtiyat edirdim"-RƏY
Bölmə: İdman ›
,
Tarix: 15:12 14.08.2024
Bolqarıstanda "Ludoqorets"in qonağı olan Ağdam təmsilçisi rəqibini 7:2 hesabı ilə məğlub edib.
Matçla bağlı fikirlərini "informator.az"la bölüşən Orxan Sübhan deyir ki, "Ludoqorets"lə ilk oyundan sonra ehtiyat edirdim:
"Cavab oyunu üçün əvvəlcədən fikir bildirmək çox çətin idi. Bakıda bizimkilərin oyunu uğurlu deyildi. Daha doğrusu rəqib qoymadı ki, "Qarabağ" futbol oynasın. Komandamızı yaxşı analiz ediblər. Cavab oyunundakı böyük hesablı qələbə rəqibin zəif olduğu anlamına gəlməməlidir. "Ludoqorets" sıradan bir komanda deyil, ancaq "Qarabağ" dəfələrlə sübut edib ki, istənilən rəqiblə həm səfərdə, həm də evdə oynayıb, yaxşı nəticə qazanmaq olur.
Uşaqlar bu dəfə də əzmkarlıq nümayiş etdirdilər. Döyüşdülər və lazım olan nəticəni qazandılar. Mən "Qarabağ"la qürur duyuram və "Qarabağ"la qürur duyanları möhtəşəm qələbə münasibəti ilə təbrik edirəm".
"Qaldı ki, növbəti rəqibə - "Dinamo" Zaqreb də samballı komandadır. İlk oyunun Xorvatiyada keçirilməsi lap yerinə düşdü. Çünki, komandamız cavab oyununda daha yaxşı oynayır, rəqibi daha yaxşı tanıyır. Ona görə də niyə "Dinamo"nu da mübarizədən kənarlaşdırmayaq?! Uğurlar "Qarabağ" ".
Zəhra Həsənova
