Sevindirici hal: "Hər il təhsilə diqqət daha da artır..."-AÇIQLAMA

Bölmə: Sosial › ,
Tarix: 16:53 21.08.2024

" Hər il təhsilə diqqət daha da artır. Bu sevindiricidir. Gənclərimiz dünyanın ən qabaqcıl universitetlərində oxumağa gedirsə bu o deməkdir ki, burada inkişaf var".

Bu sözləri "informator.az"a açıqlamasında təhsil eksperti Elçin Süleymanov söyləyib.

 

 Ekspert gənclərin təhsilə marağının artmasından da bəhs edib:

 

 "Son illərdə xüsusən xaricdə təhsil proqramlarına baxdığımız zaman dövlət proqramıyla gedənlər çoxdur. Yəni dünyanın aparıcı universitetlərində oxumağa gedirlər. İllər əvvəl xəyal olan dünyanın top universitetlərində ilk onluqda artıq kifayət qədər Azərbaycanlı şəxs təhsil alır. Eyni zamanda Azərbaycanın özündə də kifayət qədər yaxşı təhsil verən ali təhsil müəsisələri formalaşır. Son illərdə dövlət sifarişli yerlərin sayının artması həm yeni universitetlərin, həm də yeni proqramların açılması onu deməyə əsas verir ki, gənclərdə təhsil almağa, özünü inkişafa kifayət qədər həvəs var. Orta təhsili bitirən şagirdlərin təxminən 65-70%-i ali təhsil istiqamətinə yönəlir. Bu kifayət qədər yaxşı rəqəmdir.Hazırda işğaldan azad olunmuş ərazilərdə kifayət qədər böyük quruculuq işləri görülür. Hər il təhsilə diqqət daha da artır.Bu sevindiricidir".

 

Elçin Süleymanovun sözlərinə görə, heç bir ali təhsil müəsisəsinə yönəlməyən şagirdlərdə var:

 

"Heç bir ali təhsil müəssisələrinə yönəltməyən abituriyentlər 30%-i təşkil edir.Düşünürəm ki, onların bu prosesə qatılması üçün bir proqram işlənməlidir və diqqət göstərilməlidir. Beynəlxalq donor təşkilatların və qeyri-hökumət təşkilatlarının da dəstəyi ilə hərbi xidmətdən qayıdıb bir peşə və ixtisas sahibi olmayanlara müəyyən proqramlar tətbiq oluna bilər".

 

Fatimə Abdulrəhimli