"Qarabağ" transferə pul xərcləməsə işi çətin olacaq"-Ağa Dadaşzadə

Bölmə: İdman › ,
Tarix: 14:04 29.08.2024

"Qarabağ" UEFA Çempionlar Liqasında mübarizəni dayandırıb. "Qarabağ" UEFA Çempionlar Liqasının pley-off mərhələsinin cavab matçında Xorvatiyanın "Dinamo" (Zaqreb) kollektivi ilə qarşılaşıb.

Tofiq Bəhramov adına Respublika stadionunda baş tutan oyun qonaqların 2:0 hesablı qələbəsi ilə yekunlaşıb. Mübarizəni dayandıran "Qarabağ" yoluna Avropa Liqasında davam edəcək.

Nəticə ilə bağlı fikirlərini "informator.az"a bölüşən Ağa Dadaşzadə deyib ki, həm klub səviyyəsi həm də maddi cəhətdən "Dinamo" (Zaqreb) çox üstün idi:

" "Qarabağ" "Dinamo"nu keçmək istəyirsə onun lazımi qədər heyəti olmalıdır. Muasir futbol bahalı futbolçu tələb edir. Zəif heyətlə qalibiyyət bir müddətlikdir, yəni bu heyətlə qalibiyyəti təkrarlada bilməzsiniz. Avropa Liqasında uğurlu olmaq üçün yaxşı müdafiəçi, yarımmüdafiəçi, hücumçu lazımdır. Hər mövqeyə yüksək keyfiyyətli futbolçu lazımdır. Hazırda olan heyətlə Avropa Liqasında uğur qazanmaq asan olmuyacaq".

Zəhra Həsənova