Qalatasaraydan müdafiəçi Mario Hermoso transferi! Razılaşma yaxındır...

Bölmə: İdman › ,
Tarix: 12:38 30.08.2024

UEFA Çempionlar Liqasından kənarlaşdırılan və yoluna Avropa Liqasında davam edəcək "Qalatasaray" transferə can atıb. "Sarı-qırmızılar" mərkəz müdafiəçisi postu üçün "Atletiko Madrid"lə müqaviləsi başa çatan Mario Hermosonu nəzərdən keçirir.

Pley-off mərhələsində qarşılaşdığı “Yanq Boyz”la mübarizədən kənarlaşdırıldıqdan sonra UEFA Çempionlar Liqası ilə vidalaşan “Qalatasaray”da yeni irəlləyişlər yaşanır. UEFA Avropa Liqasında yoluna davam edəcək sarı-qırmızılılar transferə can atırlar.
Müdafiə xəttini gücləndirəcəyi gözlənilən "Qalatasaray"ın gündəmində "Atletiko Madrid"lə müqaviləsi başa çatan Mario Hermoso olub.

"TRT Spor"un xəbərinə görə, sarı-qırmızılılar futbolçunun transferini başa vurmaq üzrədir.
Qalatasaray Rəhbərliyinin futbolçuya maaş + imza pulu kimi ödəyəcəyi məbləğin 5 milyon avro olacağı bildirilib.
18 iyul 2019-cu ildə 25 milyon avro ödəyərək "Atletiko Madrid"in heyətinə qatılan Hermoso ispan nəhənginin heyətində 174 matça çıxıb və 10 qol vurub, 6 məhsuldar ötürmə edib.

Mənbə: Hürriyet
Fatimə Abdulrəhimli