Gənc istedad Antonelli baryerə çırpıldı

Bölmə: İdman › ,
Tarix: 17:14 30.08.2024

Mercedes-in gənc istedadı Kimi Antonelli komanda ilə ilk məşqində yüksək sürətlə qəza keçirib. Antonelli yaxşı vəziyyətdədir, lakin qəza komandanın yarış həftəsonu planlarına təsir edə bilər.

Mercedes-in gənc sürücüsü Kimi Antonelli Mercedes-lə ilk məşqinin ilk 10 dəqiqəsində Parabolika döngəsində yüksək sürətlə fırlandı və baryerlərə çırpıldı.

Qəzadan sonra qırmızı bayraq çıxsa da, Antonellinin sağlamlıq durumu ilə bağlı narahatlıqlar var idi.
Lakin sürücünün vəziyyətinin yaxşı olduğunu radio ilə bildirəndə rahatlıq yaranıb. Mercedesin komanda rəhbəri Toto Volff radio vasitəsilə Antonellini ruhlandırıb: "Hər şey yaxşıdır. Hər şey yaxşıdır".
Hadisə ilə bağlı Mercedes-in Kommunikasiyalar üzrə meneceri Bradley Lord, "Maşını indicə aldıq. Qəza həqiqətən ağır idi. Bu səbəbdən Kimi hələ də tibb mərkəzindədir. Ümid edirik ki, vəziyyəti yaxşıdır".

Qəzadan sonra Kimi Antonellinin yenilənmiş altlıqla yarışdığı, Lyuis Həmiltonun isə müqayisə məqsədilə köhnə altlıqdan istifadə etdiyi təsdiqləndi.
Mercedes-in ehtiyat hissələri olduğundan yarış həftəsonu planlarında ciddi dəyişiklik gözlənilmir.

Mənbə: Motorsport
Məhəmməd Qasımov