TFF-dən Kerem Aktürkoğluna təbrik

Bölmə: İdman › ,
Tarix: 14:23 03.09.2024

Türkiyə Futbol Federasiyası (TFF) "Qalatasaray"dan Portuqaliya Liqası komandalarından "Benfika"ya transfer olunan Kerem Aktürkoğlunu mesajla təbrik edib.

TFF-dən verilən açıqlamada, “Milli futbolçularımızdan Kerem Aktürkoğlunu Qalatasaraydan Portuqaliya Liqası komandalarından olan SL Benfika-ya keçidi münasibətilə təbrik edir, ona karyerasının yeni mərhələsində uğurlar arzulayırıq.

 

2021-ci il mayın 27-də Azərbaycanla keçirilən xüsusi matçda ilk dəfə Milli Komandanın heyətində çıxış edən Kerem Aktürkoğlu ümumilikdə 34 matçda "Aypara-Ulduz" formasını geyinib və 6 qol vurub. Türkiyə millisinin mübarizə apardığı AVRO-2020 və AVRO 2024-ün final turnirlərinin heyətlərində yer alan 25 yaşlı hücumçu 2024-cü il Avropa çempionatında da bütün matçlarda iştirak edib.

 

Kerem Aktürkoğlu Türkiyə millisinin oyunçularından Orkun Kökçü ilə birlikdə Benfikada oynayacaq.

 

Mənbə: TRT Haber

Məhəmməd Qasımov