Yunanıstanın turizm adasında güclü zəlzələ baş verə bilər, seysmoloq xəbərdarlıq edir

Bölmə: Dünya › ,
Tarix: 18:00 07.02.2025

 

 

Santorini və digər Yunanıstan adalarını silkələyən seysmik aktivlik hələ bitməyib və güclü zəlzələ hələ də baş verə bilər, bir seysmoloq xəbərdarlıq edib.

 

Avropa-Aralıq dənizi Seysmoloji Mərkəzinin baş katibi Remy Bossu bildirib ki, qeyri-adi təkanları qiymətləndirmək üçün “günlər, bəlkə də həftələr” lazım olacaq, lakin o qeyd edib ki, bu cür zəlzələ seriyaları adətən daha böyük bir zəlzələnin baş verməsi ərəfəsində müşahidə olunur.

 

Santorini adasında bir sıra ardıcıl təkanlar səbəbindən fövqəladə vəziyyət elan edilib. Bu təkanlar məşhur Yunan turizm məkanını demək olar ki, ziyarətçilərdən və sakinlərdən boşaldıb.

 

İndiyə qədər böyük təkan çərşənbə günü axşam qeydə alınıb, 5.2 bal gücündə zəlzələ adanı silkələyib. Bu, keçən həftə təkanlar başladıqdan sonra 5.0 balı keçən ilk zəlzələ olub.

 

Afrika və Avrasiya tektonik plitələrinin sərhədinə yaxın yerləşən Santorini tez-tez seysmik aktivlik yaşayır, lakin bu qədər intensiv və uzunmüddətli bir şəkildə nadir hallarda rast gəlinir. Santorini ilə yanaşı, yaxınlıqdakı Amorgos və İos adaları da təkanlardan təsirlənib.

 

Bossu Santorini adasını silkələyən mövcud seysmik aktivliyi – “zəlzələ sürüsü” adlandıraraq, “çox qeyri-adi” kimi təsvir edib.

 

Nuray Qurbanlı

CNN