Ölənlərin sayı 70-ə çatıb-Çində sel fəlakəti

Bölmə: Dünya › ,
Tarix: 19:52 31.07.2025

Çinin müxtəlif bölgələrində yağan güclü yağışların səbəb olduğu sel fəlakətində həyatını itirənlərin sayı 70-ə yüksəlib.

Əyalət rəsmilərinin verdiyi məlumata görə, həftə ərzində demək olar ki, bir illik yağıntının 7 günə düşdüyü fırtınalar bir çox bölgədə təsirini göstərməkdə davam edir.

Pekinin şimal-şərqində yerləşən Miyun bölgəsindəki bir yaşlılar evində sel səbəbilə ciddi dağıntılar olub. Fəlakət zamanı 55-i əlil olmaqla ümumilikdə 69 nəfərin olduğu müəssisədə 31 nəfər həyatını itirib.

Pekində və ətraf bölgələrdə 44, Hebey əyalətində 16, Şanşi əyalətində isə 10 nəfər ölüb.

Hazırda fərqli bölgələrdə, aralarında 4 bələdiyyə əməkdaşı da olmaqla 9 nəfərin axtarışı davam etdirilir.

"Guardian" qəzetinin məlumatına görə, fırtınalarda avtomobillər aşıb, evlər su altında qalıb, 80 mindən çox insan təxliyə olunub və 100-dən çox kənddə elektrik enerjisi kəsilib.

Haber Global
Xəlilli Nigar